يا دنيا خفي الوجع
واسقينا حنيه
الصبر مني اشتكي
ورماني في الميه
لا انا قادر اروي العطش
ولا اعوم بإيديه
من كتر نحت الصخر
طلعت لي جنيه
قلت كرمك يارب
هتغرف وتديني
ضحكت بعلو الصوت
مليان سخريه
يادنيا خفي الوجع
بشويش علي قلوبنا
مساكين من يومنا واحنا
بنشقي علي قوتنا
ما فارق معانا عسل
ولا مالح يمررنا
طعم الحلاوه بصل
ولا شهد يعرفنا
أصل الحكايه قناعه
ورضينا بنصيبنا
شعبان أحمد.....مصر
ليست هناك تعليقات:
إرسال تعليق