ضى القمر
وهربت منه
فى الحقيقه وفى الصور
بياخدنى من الشرود والضنى
وليالى السهر
شلال العبر
على الخدود يسيل
بيمهد للدمعه طرق
تجرى تميل
وترسم على الجبين ألم
ما قدرت أصبر
ع الغياب وزاد الحنين
والشوق قتلنى
ألف مره من زمن
كترت ظنونى
معاها شجونى
من اللى فاتونى
وزادت همومى
والدنيا جوايا سفر
والصبر مواله حزين
ليله
طويل
زاد قلبى أنين
والنبض
داب وانكسر
طعم السعاده ماله مثيل
يسعد شريانى والوتر
شهد وحنان رقه وأمان
لكن ما دقته من زمن
قلبى اللى راح
بعد الجراح تاه ف الزحام
فى ليلة سفر
غاب عنى لحظه واختفى
خطفه الحنين
ويا السنين
لدنيا تانيه فى دنيته
لما بقا زاد الجفا
مقدرشى فى يوم ينتظر
اصل الحكايه سكة سفر
كتبوا المسافه ع الجبين
ولا حد راضى يعترف
وفضلت أدور
عن قلب تاه وفقد حبيبه فى دنيته
ليست هناك تعليقات:
إرسال تعليق