أنا قلبي
بسيط خالص وبيحبك
بيعزف كل يوم لحنك
لغنوة شوق وحنيه
ولا ف يوم نسيت وصلك
وأشواقك موج عالي ما بتهدي
ولا تعدي نسمة هوا
ترد الروح من جوه
تعيد البسمة لملامحي
وترسم ع الخدود وردة
مراية حبنا صافيه
بتعكس كل يوم صورتك
ألاقي الضحكة مرسومة
وغمزة عين وغمازه
بوسط الخد يا بهيه
يا طبق الحسن ف جبينك
علامة نور من بدري
ف عز الليل تناديني
وأقول أحلام بتتهيأ
أتاري القلب متلخبط
ونازل دق بضلوعي
ولما تغيبي عن عيني
ترف رموشي بدموعي
واحس اني بدنيتي تايه
وماشي ف سكة مش راجع
ماليها أول من آخر
طيب أنا ومن حظي
نصيبي جاني علي بابي
وكملت فرحتي بدري
واتهني قلبي بأحبابي
